മാണിക്യക്കുയിലേ നീ...

ചിത്രം : തുടര്‍ക്കഥ
രചന : ഒ എന്‍ വി കുറുപ്പ്
സംഗീതം : എസ് പി വെങ്കിടേഷ്
പാടിയത് : കെ എസ് ചിത്ര , എം ജി ശ്രീകുമാര്‍


മാണിക്യക്കുയിലേ നീ
കാണാത്ത കാടുണ്ടോ
കാണാത്ത കാട്ടിലേതോ
നീലക്കടമ്പുണ്ടോ
(മാണിക്യ)

നീലപ്പൂങ്കടമ്പില്‍ കണ്ണന്‍
ചാരിനിന്നാല്‍...
നീളെ നീളെ പൂമാരീ...
നീളെ പൂമാരി...
(മാണിക്യ)

കാണാക്കാര്‍ക്കുയിലായ് കണ്ണന്‍
ഇന്നും വന്നോ...
എന്തേ ഇന്നീ പൂമാരീ...
എന്തേ പൂമാരി...
(മാണിക്യ)

ആതിര വരവായി

ചിത്രം : തുടര്‍ക്കഥ
രചന : ഒ എന്‍ വി കുറുപ്പ്
സംഗീതം : എസ് പി വെങ്കിടേഷ്
പാടിയത് : കെ എസ് ചിത്ര , എം ജി ശ്രീകുമാര്‍


ആതിര വരവായി
പൊന്നാതിര വരവായി
നിളയുടെ പുളിനവുമിന്നാലോലം
അഴകൊടു കമലദളം നീട്ടുന്നു
മംഗല്യഹാരം ദേവിയ്ക്കു ചാര്‍ത്താന്‍
മഞ്ജുസ്വരങ്ങള്‍ കോര്‍ത്തൊരു ഹാരം
ശ്രീരാഗമായ്...
(ആതിര)

ഒരു കാലില്‍ കാഞ്ചനക്കാല്‍ച്ചിലമ്പും
മറുകാലില്‍ കരിനാഗക്കാല്‍ത്താളവും
ഉള്‍പ്പുളകം തുടികൊട്ടുന്നുവോ?
പാല്‍ത്തിരകള്‍ നടമാടുന്നുവോ?
കനലോ നിലാവോ ഉതിരുന്നുലകാകെ?
(ആതിര)

താരാപഥങ്ങളില്‍ നിന്നിറങ്ങി
താണുയര്‍ന്നാടും പദങ്ങളുമായ്
മാനസമാകും തിരുവരങ്ങില്‍
ആനന്ദലാസ്യമിന്നാടാന്‍ വരൂ
പൂക്കുടയായ് ഗഗനം
പുലര്‍‌കാലകാന്തിയണിയേ
പാര്‍ത്തലമാകെയിതാ ശിവശക്തിതാണ്ഡവം
ധിരന ധീംതനന ധിരന ധീംതനന ധീം ധീം ധീം
തനന ധീം ധിരന ധീം ധിരനന ധീം
(ആതിര)

അളകാപുരിയില്‍ അഴകിന്‍ വനിയില്‍

ചിത്രം : തുടര്‍ക്കഥ
രചന : ഒ എന്‍ വി കുറുപ്പ്
സംഗീതം : എസ് പി വെങ്കിടേഷ്
പാടിയത് : കെ എസ് ചിത്ര , എം ജി ശ്രീകുമാര്‍


അളകാപുരിയില്‍ അഴകിന്‍ വനിയില്‍
ഒരുനാള്‍ ഒരുനാള്‍ ഞാന്‍ വരും
കുളുര്‍നിഴലെഴും വഴികളില്‍ വരവേല്‍ക്കുവാന്‍
കിളിമൊഴികളായ് അരുമയാം സ്വരവന്ദനം
മതിമുഖീ നിന്‍ പ്രമദവനികയില്‍
(അളാകാപുരിയില്‍)

രാജസദസ്സില്‍ ഞാനണയുമ്പോള്‍
ഗാനവിരുന്നിന്‍ ലഹരികളില്‍
ഞാനറിയാതെ പാടുവതുണ്ടാം
രാജകുമാരീ ഉണരുണരൂ
സുരതരുപുഷ്പശോഭമാം മിഴികള്‍
തെരുതെരെ എന്നെയാര്‍ദ്രമായ് തഴുകും
വരികയായി‍ ഹൃദയവനികയില്‍
(അളകാപുരിയില്‍)

നീ മടിചേര്‍ക്കും വീണയിലെന്‍ പേര്‍
താമരനൂലില്‍ നറുമണിപോല്‍
നീയറിയാതെ കോര്‍ത്തരുളുന്നൂ
രാജകുമാരാ വരു വരു നീ
മധുരമൊരാത്മഹര്‍ഷമാ മൊഴിയില്‍
മധുകണമായി മാറുമാ നിമിഷം
വരികയായി പ്രമദവനികയില്‍
(അളകാപുരിയില്‍)