ചിത്രം : ചെന്നായ വളര്‍ത്തിയ കുട്ടി
രചന : മാങ്കൊമ്പ് ഗോപാലകൃഷ്ണന്‍
സംഗീതം : എം കെ അര്‍ജ്ജുനന്‍
പാടിയത് : യേശുദാസ്
വാസനച്ചെപ്പു തകര്‍ന്നൊരെന്‍ ജീവിതം
വീണുടയുന്നതു കാണുന്നില്ലേ
ശനിദശ ചുമന്നും ശാപം ചുമന്നും
ഒരു ജന്മം തകരുന്നതറിയുന്നില്ലേ
ദൈവം അറിയുന്നില്ലേ
(വാസനച്ചെപ്പു)
നിന്‍ വചനങ്ങള്‍ പരീക്ഷിക്കുന്നതീ
നൊന്തു പ്രസവിച്ചൊരമ്മയിലോ
സ്വന്തം കുഞ്ഞിനെ അമ്മയില്‍നിന്നകറ്റി
എന്തുനേടാന്‍..നീ എന്തുനേടാന്‍ (വാസനച്ചെപ്പു)
കവടിനിരത്തിവെച്ചു ഭാഗ്യനിര്‍ഭാഗ്യങ്ങള്‍
കണക്കുകൂട്ടുന്ന ജാതകമേ
എന്തിനെന്‍ ജീവന്റെ രാശിചക്രത്തില്‍ നീ
നൊമ്പരം കൊണ്ടിത്ര മഷി പടര്‍ത്തീ - നീ
മഷി പടര്‍ത്തി (വാസനച്ചെപ്പു)
No comments:
Post a Comment