ചിത്രം : തുടര്ക്കഥ
രചന : ഒ എന് വി കുറുപ്പ്
സംഗീതം : എസ് പി വെങ്കിടേഷ്
പാടിയത് : കെ എസ് ചിത്ര
മഴവില്ലാടും മലയുടെ മുകളില്
ഒരു തേരോട്ടം! മണിമുകിലോട്ടം!
കിളിയും കാറ്റും കുറുകുഴല് തകില്മേളം
കളവും പാട്ടും കളിചിരി പുകില്മേളം
(മഴവില്ലാടും)
ഇല്ലില്ലംകാട്ടില് പാടും മൈനേ
നിന്നോടൊത്തൂഞ്ഞാലിടാന് വരാം
കിണ്ണത്തിലെന്തേ പാലോ തേനോ?
നിന്നോടൊത്തിന്നോണം കൂടാന് വരാം
അരുമയൊടരികിലിരുന്നാല്
ഒരു കഥ പല കഥ ചൊല്ലാം
കതിരുകള് കൊയ്യാന് കൂടെ വരാം
(മഴവില്ലാടും)
തച്ചോളിപ്പാട്ടിന് താളം കേട്ടോ
തത്തമ്മേം പാടത്തു കൊയ്യാന് വന്നൂ
ഉതിര്മണി കതിര്മണി തേടി
പറവകള് പലവഴി വന്നൂ
ഇനിയുമൊരോണം കൂടാന് വരൂ
(മഴവില്ലാടും)
No comments:
Post a Comment