ചിത്രം : അന്വേഷിച്ചു കണ്ടെത്തിയില്ല
രചന : പി ഭാസ്കരന്‍
സംഗീതം : എം എസ് ബാബുരാജ്
പാടിയത് : എസ് ജാനകി
കവിളത്തെ കണ്ണീർ കണ്ടു
മണിമുത്താണെന്നു കരുതി
വില പേശാനോടിവന്ന
വഴിയാത്രക്കാരാ വഴിയാത്രക്കാരാ
കദനത്തിന്‍ തേങ്ങല്‍ കേട്ടു
പുതുരാഗമെന്നു കരുതി
ശ്രുതി ചേര്‍ക്കാനോടിയെത്തിയ
വഴിയാത്രക്കാരാ വഴിയാത്രക്കാരാ
എന്നുടെ കഥകൾ കേൾക്കുമ്പോൾ നിൻ
കണ്ണുകൾ നനയുകയാണോ
നിന്നുടെ സുന്ദര രാജധാനിയിൽ
എന്നെ വിളിക്കുകയാണോ നീ
എന്നെ വിളിക്കുകയാണോ
(കവിളത്തെ)
ഇനിയൊരു മധുരസ്വപ്നം തന്നുടെ
പനിനീർക്കടലിൽ മുങ്ങാം
കൽപ്പന തന്നുടെ ചിപ്പിയിൽ നിന്നൊരു
രത്നവുമായി പൊങ്ങാം ഞാൻ
രത്നവുമായി പൊങ്ങാം
(കവിളത്തെ)
No comments:
Post a Comment